Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 11 Hydref 2016

Amser: 08.30 - 09.09

Preifat

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Rhun ap Iorwerth AC Paul Davies AC David J Rowlands AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Siân Wilkins, Pennaeth Gwasanaeth y Siambr a Phwyllgorau Christopher Warner, Pennaeth Gwasanaeth y Pwyllgorau Polisi a Deddfwriaeth, Pennaeth Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

</AI1>

<AI2>

2 Cofnodion y Cyfarfod Blaenorol

Cytunodd y Pwyllgor ar y cofnodion i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Bydd Ysgrifennydd y Cabinet dros Gymunedau a Phlant yn gwneud datganiad am Gymunedau Cryf.                 

Bydd Ysgrifennydd y Cabinet dros yr Amgylchedd a Materion Gwledig yn gwneud datganiad am yr Arllwysiad Olew yn Nantycaws, Caerfyrddin fel yr eitem olaf o fusnes cyn amser pleidleisio.

Byddai’r Cyfnod Pleidleisio ddydd Mawrth yn digwydd ar ôl yr eitem olaf o fusnes. Cytunodd y Pwyllgor Busnes y byddai’r Cyfnod Pleidleisio yn cael ei gynnal cyn y Ddadl Fer ddydd Mercher.

</AI4>

<AI5>

3.2 Busnes y Llywodraeth ar gyfer y tair wythnos nesaf

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i aildrefnu’r eitemau a ganlyn:

Dydd Mercher 19 Hydref 2016 -

· Amser a neilltuwyd i Blaid Annibyniaeth y Deyrnas Unedig (60 munud) - wedi symud i 2 Tachwedd.

Dydd Mercher 2 Tachwedd 2016 -

· Amser a neilltuwyd i Blaid Cymru (120 60 munud) – 1 awr wedi symud i 9 Tachwedd

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 19 Hydref 2016 -

· Datganiad gan Gadeirydd y Pwyllgor Cydraddoldeb, Llywodraeth Leol a Chymunedau ar Flaenraglen Waith y Pwyllgor gan gynnwys Ffoaduriaid, Ceiswyr Lloches a Phlant ar eu Pen eu Hunain (30 munud)

· Dadl ar adroddiad y Pwyllgor Materion Cyfansoddiadol a Deddfwriaethol ynghylch Bil Cymru Llywodraeth y DU (60 munud)

Dydd Mercher 2 Tachwedd 2016 -

· Amser a neilltuwyd i Blaid Annibyniaeth y Deyrnas Unedig (60 munud)

Dydd Mercher 9 Tachwedd 2016 -

· Amser a neilltuwyd i Blaid Cymru (120 munud)

· Amser a neilltuwyd i’r Ceidwadwyr Cymreig (60 munud)

</AI6>

<AI7>

3.4 Y Pwyllgor Materion Cyfansoddiadol a Deddfwriaethol:  Cais am ddadl ar ei adroddiad ar Fil Cymru Llywodraeth y DU

Cytunodd y Rheolwyr Busnes i gynnwys dadl ar adroddiad y Pwyllgor Materion Cyfansoddiadol a Deddfwriaethol ynghylch Bil Cymru Llywodraeth y DU ar yr amserlen.

Yn seiliedig ar wybodaeth a ddarparwyd gan Gadeirydd y Pwyllgor Materion Cyfansoddiadol a Deddfwriaethol y bydd Bil Cymru yn destun cynnig cydsyniad deddfwriaethol a dadl maes o law, cytunodd y Rheolwyr Busnes na ddylid cyflwyno dim gwelliannau i’r cynnig tynnu sylw.

</AI7>

<AI8>

4 Deddfwriaeth

</AI8>

<AI9>

4.1 Bil Iechyd y Cyhoedd (Cymru)

Cytunodd y Rheolwyr Busnes mewn egwyddor i gyfeirio’r Bil Iechyd y Cyhoedd (Cymru) at y Pwyllgor Iechyd, Gofal Cymdeithasol a Chwaraeon ar gyfer ei ystyried yng Nghyfnod 1.

Cytunodd y Rheolwyr Busnes i ohirio’r penderfyniad ar amserlen y Bil tan gyfarfod yn y dyfodol, i roi amser i ymgynghori â’r Pwyllgor Iechyd, Gofal Cymdeithasol a Chwaraeon.

</AI9>

<AI10>

5 Defnydd o Amser yn y Cyfarfod Llawn

</AI10>

<AI11>

5.1 Datganiadau’r Aelodau - canllawiau ar gyfer Aelodau

Ystyriodd y Rheolwyr Busnes y canllawiau drafft sydd i’w dosbarthu i Aelodau cyn cyflwyno ‘datganiadau 90 eiliad’, a chytunwyd i ddosbarthu’r canllawiau i Aelodau yn amodol ar wneud rhai newidiadau.

Cytunodd y Pwyllgor i gynnwys y cyntaf o’r datganiadau hyn ar yr amserlen ddydd Mercher 2 Tachwedd.

</AI11>

<AI12>

5.2 Adolygiad o Gwestiynau Llafar y Cynulliad

Ystyriodd y Rheolwyr Busnes bapur a oedd yn crynhoi’r diwygiadau a wnaed yn ystod y Pedwerydd Cynulliad a’r argymhellion a wnaed gan y pwyllgor a oedd yn ei ragflaenu ar gynnal Adolygiad o Gwestiynau Llafar y Cynulliad, ochr yn ochr â phapur ar gyflwyno Cwestiynau Amserol.

Gofynnodd y Rheolwyr Busnes i’r Clerc weithio gyda swyddogion y Llywodraeth i gael eglurhad o ran ffigurau cymharol â deddfwrfeydd eraill, ac i bapur diwygiedig gael ei gyflwyno gerbron y Pwyllgor yng nghanol mis Tachwedd.

</AI12>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>